Mani delay kámraydhén bánok
Tai mohobbat ke jangay sáhá gón sáh kasshit
Goshay ke tirán tawár bastag chó mangalikká
O thóp o bambán tai páday pádinkay bramsh gón ent
Taw gendagá ay zemin hón ent
Tai mohobbat shahid butag
Yá bandijáhá bezán ke band ent
Máni delay kámraydhén bánok
Tai pann o mozwák ámadhán gón man keshk kasshán
Mohobbatá nókén námé dege dayán man
Lajj o nangá
Zobánay jangá
Zeminay jangá
Tai dóstá dóstigén sáh dátag
Bale mani kámraydhén bánok watan nadátag
Tai mehray goddhi ganóká
Pa taw é shayr bastag
Máná pahell kan ke zendagiá
Tará cha pésar zeminay wástá man sáh dátag watan nadátag
Salmán Hammal