(Mastay mennat)
Mastáni malár jozzagá ent
Kunjáni katár jozzagá ent
Kayp ant ke zer ant tai kaddahén chamm
Taw ay ke komár jozzagá ent
É chónén zamánah, chónén ahdé
Mehrá cha mayár jozzagá ent
Drapshán ant tai anárkay bám
Máhekániay shár jozzagá ent
Mestág tará mani zeminjomb
Kóhá cha talár, jozzagá ent
Gendokiay wáb man nagendán
Wahdá cha wadár jozzagá ent
Nókápiay wáhagán! bejallet
Hárá gón patár jozzagá ent
Hániay kolah pa Shay Moridá
Nin Chákaray wár jozzagá ent
Hay hay é zamánasázén donyá
Hay hay ke dawár jozzagá ent
Shahdád bebit ke man Atá Shád
Mahnázay kemár jozzagá ent
Atá Shád