Sar janán syáh o tahármáhén shapán ráhá án
Harchi ke dur rawán chárán hamá jáhá án
Menzelá gárén shóházig án nagendán rahshón
Nést pazag pádán goshay bé was o sáhá án
Man zeminá, tará dar géján chetawr ázmáná
Taw goshay man pa taw chó chárdahi máhá án
Man tahári o moján gár án allamá chó kór án
Kahkashán giwár tai keshkay padá ráhá án
Yád o tahtál tai zahir o mani tahnái
Taw agar zánt kotén bé taw chetawr bé hamráhá án
Menzel nazziká raséntag ni goshay sohrbám ent
Sáber hankéná raset man hamá jáhá án
Háji Sáber Balóch Hankén