Makárá Mesk Magosh

Atá Shád October 30, 2024 53 views

Makárá mesk magosh, jawrá ásomi nagoshant
Cherágay shapkadagá róchay hákemi nagoshant

Kadi balit mani ájuiay delay daryá
É mawjay áheriá máhay darwari nagoshant

Delá dobahr bekant, ácheshit o dág bedant
Choshén talabkoshén ahdárá Chákari nagoshant

Hatam wadár! É chellag gwazit pa óst, bale
Hatam pa chellagá chamdár bit kadi nagoshant

Má delnawassh, har oppáragárá léket “zánt”
Delay taparkahá harchi goshant radi nagoshant

Goshant hamé ke har ahdárá gón Báláché
Hamá ke dozhmenay badwáhiá badi nagoshant

Atá bejazm ke donyá o dinay sawdáger
Pakirá pir goshant, sháerá wali nagoshant

Atá Shád

Hamrangén nebeshtag