Del Watá Cha Darday Shahrá

Mobárek Kázi September 16, 2024 64 views

Del watá cha darday shahrá dar kanag lóthit
Ke darándhéh ent gesá wátarr kanag lóthit

Chó mabit hazzámá dhokkálay bebit ámách
Néstiay drachká é sálá bar kanag lóthit

Gón wati jandhén kabáh o dertagén shálá
Yakk pakiré darday kóhá sar kanag lóthit

Balkén sargwáté bekasshit tróngalén tabdán
Shap watá lálay donén mahpar kanag lóthit

Marchigén dawrá hamok dánáén ensáná
Pa watá sengay hodáé sharr kanag lóthit

Belly shahray shahr pa má sengbári kant
Yakk choshén káré padá delbar kanag lóthit

Shádehay bázár ché ent dahray bázárá
Ádamizátá wati gam gwar kanag lóthit

Sharr o gandag táke pédáwar bebant pahká
Zendagi chakkásay rókén char kanag lóthit

Haw, góshant ke rájdaptar posht o démá bit
Wantagén shayré padá azbar kanag lóthit

Haw! é zenday jangjáhá pa watá Kázi
Koblén borwáné golay hanjar kanag lóthit

Mobárek Kázi

Hamrangén nebeshtag