Mani hayálay eskeriná báz póldhar ant, pach ant
Aks bon gerant o labz mór bant o per rechant
Aks bon gerant o labz mór bant o per rechant
Yakk póldharéá wáb anchó botkagant ke mánáay wadhá naant
Yakk póldharéá ágahiay rang rózhná naant
Latá o Háedah o Náku Payzokay jetá jetáén sáz o sawt yabbará
Per ant saray <em>player</em>á
Latá o Háedah o Náku Payzokay jetá jetáén sáz o sawt yabbará
Per ant saray <em>player</em>á
Yakk póldharéá molki gapp o masalah ant
Syási kár o kessah ant
Enkelábi jédhah ant
Moridá marchi bist o panch pedáiay shahidi hál mannetag
Lahtén róch ent hál nést Kambaray
Zámorán dán Bárakáná pawji ápréshan ent
Domi némagá cha ryásati rasándará
"Chawdari Hemákat"ay tawár kayt
Bejjalet méshán angata, bahár kayt
Molk marchán émen ent
Syási kár o kessah ant
Enkelábi jédhah ant
Moridá marchi bist o panch pedáiay shahidi hál mannetag
Lahtén róch ent hál nést Kambaray
Zámorán dán Bárakáná pawji ápréshan ent
Domi némagá cha ryásati rasándará
"Chawdari Hemákat"ay tawár kayt
Bejjalet méshán angata, bahár kayt
Molk marchán émen ent
Gón shayr o gál o goshtenán ke póldharéá Kázi ent
Na mardomán cha deljam ent
Nay watá cha rázi ent
Ke báriá manárá bell watárá ón namóketag
Gón bémadháhén kandagán
Gón kócharáén konnatán
Wáh kapót, wáh tai málay, wáh tará
É dánchópén nawbatárá chópagi ent har wadhá
Na mardomán cha deljam ent
Nay watá cha rázi ent
Ke báriá manárá bell watárá ón namóketag
Gón bémadháhén kandagán
Gón kócharáén konnatán
Wáh kapót, wáh tai málay, wáh tará
É dánchópén nawbatárá chópagi ent har wadhá
Yakk póldharé ke sanjéay rehámán chér tarretag
Yakk bárié agán shotag, goshant dobar natarretag
É zendagiay mólom ent pa watá zahiri ent
Ke péch wárt chó máréá
Zumméay wadhá dajit
Yakk bárié agán shotag, goshant dobar natarretag
É zendagiay mólom ent pa watá zahiri ent
Ke péch wárt chó máréá
Zumméay wadhá dajit
Yakk póldharé watárá lóthit róché rangéá rajit
Yakk póldharéá éoká Bolaydah ent
Haybatánay Hóthal ent, akséá
Mawáliáni jannat ent.
Zabarrag ent, chelimm o cháh o sohbat ent
Hawáldár Piru ent
Hasan Kalandar ent, Habib Chánu ent,
Aziz Thakkar ent
Á bégahá kojám cherágay baddwáé laggetag
Ke anga pa watá nayayt
Á damkán pad kojá wati babátagant
Á sáhatáni morgán táb dát sar kojá wati
Layb laybá, maskará, drohá shotant yabbará o pasht kaptag éoki
Haybatánay Hóthal ent, akséá
Mawáliáni jannat ent.
Zabarrag ent, chelimm o cháh o sohbat ent
Hawáldár Piru ent
Hasan Kalandar ent, Habib Chánu ent,
Aziz Thakkar ent
Á bégahá kojám cherágay baddwáé laggetag
Ke anga pa watá nayayt
Á damkán pad kojá wati babátagant
Á sáhatáni morgán táb dát sar kojá wati
Layb laybá, maskará, drohá shotant yabbará o pasht kaptag éoki
Yakk póldharéá raptagén o sestagén tawámén sangatáni yát
Anchó ér ant purah gránén jenteré delay sará
Anchó ér ant purah gránén jenteré delay sará
Yakk póldharé <em>erotic</em> ent
Cháragay wadhá naent o kassá pésh dáragay wadhá naent
Mohabbatáni chádh ón chó károbári aydhá
Didagáni démá mermeránk bant o per gwazant
Bojant o áp bant chó tákchaháni mómbattián
Baré baré sweetyay bashánagá wa ázmán sará kapit
Do payk Jóni Wákaray, yakk kandhomé
<em>Twelve point eight</em> dhálará kapit
Yakk tránagé chó wáeraszadén prógráméá <em>affected</em> ent
Dará narawt <em>rejected</em> ent
É zendagi wati tahá
Baré baré goshay baláhén azhdiáéay hadhakkahi dap ent
<em>Fucked-up</em> ent
Cháragay wadhá naent o kassá pésh dáragay wadhá naent
Mohabbatáni chádh ón chó károbári aydhá
Didagáni démá mermeránk bant o per gwazant
Bojant o áp bant chó tákchaháni mómbattián
Baré baré sweetyay bashánagá wa ázmán sará kapit
Do payk Jóni Wákaray, yakk kandhomé
<em>Twelve point eight</em> dhálará kapit
Yakk tránagé chó wáeraszadén prógráméá <em>affected</em> ent
Dará narawt <em>rejected</em> ent
É zendagi wati tahá
Baré baré goshay baláhén azhdiáéay hadhakkahi dap ent
<em>Fucked-up</em> ent
Tawámén jédhagáni péch, péch bant par rechant
Mani Hayálay eskeriná báz póldharé ant, pach ant
Mani Hayálay eskeriná báz póldharé ant, pach ant
