Kojá dar atk o shotant
Wáhagáni chammay cherág
Hazár panday erádah kotag é arwáhá
Jagar nasest gón yátáni góndhalén tirán
Kojám mátay jagar ábolah naent marchán
Kojám gohár najédhit pa tangahén brátán
Kojám brát wati kópagá nadant kópag
Deláni dard goshay dózahén zahirók ant
Bahesht pa mani nezzá abirén machkadagé
Hazár morád pa mani dhéhay makkahén mátán
Pa hurén bánórán
Ke marchán mótk nyárant
Tamardén trán kanant
Zadag nabant gón azábani kóhalén tirán
Kapót sawt janant, shántoláni jangjáhá
Má chincho shayr nebeshtah kotag nazánt kasé
Deláni dág nebeshtah kotant dán rawt wasé
Hatam kemár nakant
É tákréch kadi mósomán bemattháit
É áp o ás maná kad habar beparmáit
Watan nadát má badwáhay dozhmenén dastán
Rawán rawáná morádáni menzelá ras(e)tán
Na Chákará gelagé per, na mallén Miráná
Molur molur o abétk ant darichk o darwázag
É tráwálén jagará mólománi wám per ant
Ke chó mabit cherágán bodróhit parwánah
Bale man zánt kanán marzbómay awládán
Deláni gapp o habar gón maná nabant máná
Kojám zahm jatag "béwapáén parzendán"
Bale hamá ke é jangjáhay barjamén bacch ant
Gón hónán sabz kanán ant é kuchag o waddhán
É hón bándá trepant ázmánay delbandá
May shahid o mojáhed kadi nezór nabant
Ke é na tahná Balóch ant
Namirén ensán ant
Golén Mosolmán ant
Shotant pa kóh o talárán na áp na tóshag
Kabar nasib nabutag gesáni wáhondán
Gami naant mani maccháni mósomay barwár
Bahárgáhay talab dróshomán nakant andém
Shepánk béramag ant
Azábén zaym ketábáni mánáyá jédhant
Kehébén dáb namánant pa chamm o borwáná
Golábén hosnay darigán goláni nám per ent
Maná é jazm ke hamok rah pa rahsarán ér ent
Nadist hamsaparé man cherágay randpadán
Tahári ent mani chammán, chetawr maym kanán
Man zendagiá wati wáhagán gón paym kanán
Maná bemár chó arwáhay sawlén bándátá
Ke é ketáb gón har mardomá nabit máná
Raméz gón majant gwánzagáni laybókán
Rodán bant mani óstáni rochpoll belly
Rawánk ráhsarán pa kayá zahirwár ant
Man jédhetag ke mani dard kammo kamter bant
Man pahmetag ke maná hecch hesábá hamráh nést
Bale man áp nashoshtant gón mósomi hawrán
Delá cherág balant o man taháriá jédhán
Má rozhn-dróhetagén mardom én mawán o mapors
Majédh o pegr makan
Taháriá wati sáheg ón sáhegá dróhit
Na kawsh pa maná giráni halwatán sar kant
Na jambarán mani arsáni matlabé gón ent
Cherág kór buán ant mani ométáni
Kochekk nazánt ke haddhárá chincho zaym per ent
É tólagáni shekárjáhay neshtagén suwar
Pathán o Panjápi
"Wati ón cha wati jendá jetá o gestá ant"
Man ché gelag bekanán gón wati delay zangán
Shahiday hón kadi bémorád o hoshk nabant
Man saddak án ke Balócháni hón máná bant
É gorkay mát dán chont róchá
Charpén pig pachit
É hónay hár tamámén palit o chellán bárt
É zendagi pa Balóchá modám jangjáhé
Bale é jang Balócháni godhsari jang ent
Kasé on báj nabárt cha may gwandhalén bacchán
Balóchay hák Balócháni makkahén mát ent
Balóch dán é jahán hast dáemá hast ent
Man dánke zendag o hast án
Balóch názénán
Moráday mádenén ráhá
Pa hón gwázénán
É mádarén wataná mordagán do zend dayán
Wáhagáni chammay cherág
Hazár panday erádah kotag é arwáhá
Jagar nasest gón yátáni góndhalén tirán
Kojám mátay jagar ábolah naent marchán
Kojám gohár najédhit pa tangahén brátán
Kojám brát wati kópagá nadant kópag
Deláni dard goshay dózahén zahirók ant
Bahesht pa mani nezzá abirén machkadagé
Hazár morád pa mani dhéhay makkahén mátán
Pa hurén bánórán
Ke marchán mótk nyárant
Tamardén trán kanant
Zadag nabant gón azábani kóhalén tirán
Kapót sawt janant, shántoláni jangjáhá
Má chincho shayr nebeshtah kotag nazánt kasé
Deláni dág nebeshtah kotant dán rawt wasé
Hatam kemár nakant
É tákréch kadi mósomán bemattháit
É áp o ás maná kad habar beparmáit
Watan nadát má badwáhay dozhmenén dastán
Rawán rawáná morádáni menzelá ras(e)tán
Na Chákará gelagé per, na mallén Miráná
Molur molur o abétk ant darichk o darwázag
É tráwálén jagará mólománi wám per ant
Ke chó mabit cherágán bodróhit parwánah
Bale man zánt kanán marzbómay awládán
Deláni gapp o habar gón maná nabant máná
Kojám zahm jatag "béwapáén parzendán"
Bale hamá ke é jangjáhay barjamén bacch ant
Gón hónán sabz kanán ant é kuchag o waddhán
É hón bándá trepant ázmánay delbandá
May shahid o mojáhed kadi nezór nabant
Ke é na tahná Balóch ant
Namirén ensán ant
Golén Mosolmán ant
Shotant pa kóh o talárán na áp na tóshag
Kabar nasib nabutag gesáni wáhondán
Gami naant mani maccháni mósomay barwár
Bahárgáhay talab dróshomán nakant andém
Shepánk béramag ant
Azábén zaym ketábáni mánáyá jédhant
Kehébén dáb namánant pa chamm o borwáná
Golábén hosnay darigán goláni nám per ent
Maná é jazm ke hamok rah pa rahsarán ér ent
Nadist hamsaparé man cherágay randpadán
Tahári ent mani chammán, chetawr maym kanán
Man zendagiá wati wáhagán gón paym kanán
Maná bemár chó arwáhay sawlén bándátá
Ke é ketáb gón har mardomá nabit máná
Raméz gón majant gwánzagáni laybókán
Rodán bant mani óstáni rochpoll belly
Rawánk ráhsarán pa kayá zahirwár ant
Man jédhetag ke mani dard kammo kamter bant
Man pahmetag ke maná hecch hesábá hamráh nést
Bale man áp nashoshtant gón mósomi hawrán
Delá cherág balant o man taháriá jédhán
Má rozhn-dróhetagén mardom én mawán o mapors
Majédh o pegr makan
Taháriá wati sáheg ón sáhegá dróhit
Na kawsh pa maná giráni halwatán sar kant
Na jambarán mani arsáni matlabé gón ent
Cherág kór buán ant mani ométáni
Kochekk nazánt ke haddhárá chincho zaym per ent
É tólagáni shekárjáhay neshtagén suwar
Pathán o Panjápi
"Wati ón cha wati jendá jetá o gestá ant"
Man ché gelag bekanán gón wati delay zangán
Shahiday hón kadi bémorád o hoshk nabant
Man saddak án ke Balócháni hón máná bant
É gorkay mát dán chont róchá
Charpén pig pachit
É hónay hár tamámén palit o chellán bárt
É zendagi pa Balóchá modám jangjáhé
Bale é jang Balócháni godhsari jang ent
Kasé on báj nabárt cha may gwandhalén bacchán
Balóchay hák Balócháni makkahén mát ent
Balóch dán é jahán hast dáemá hast ent
Man dánke zendag o hast án
Balóch názénán
Moráday mádenén ráhá
Pa hón gwázénán
É mádarén wataná mordagán do zend dayán
Mobárek Kázi
