Sohb dán bégáh ebádat kot ke donyá yát kant
Man watá anchó malámat kot ke donyá yát kant
Taw maná cha mardomi katthá hamá démá rasént
Yakkéá zort o salámat kot ke donyá yát kant
Hár kotag kawrá Nehengén didagáni gón shalá
Tránagá dushi karámat kot ke donyá yát kant
Jenday aksá ham ba del pajjah nyárán báwar ent
Taw maná anchó kyámat kot ke donyá yát kant
Taw nazánay ke tai bakshátagén mehray ketáb
Man chó Koráná teláwat kot ke donyá yát kant
Pa tai bánórén pádáni padáni pólagá
Man hamok dargáh zyárat kot ke donyá yát kant
Man dán Kázi zendag án mennat o shográ gerán
Taw mani sakk báz ezzat kot ke donyá yát kant
Mobárek Kázi
Mobárek Kázi