Kassi gappá mán nayárit, gréwag o zári nazánt
Gón hamáiá taw gelagdár ay, gelagdári nazánt
Marg mánáé nadárit pa hamá baniádamá
Ke wati sáhá cha sar gwastag, rawádári nazánt
Nun chó yakk prósh wártagén rájé sará panchán janán
Eshkay ellat bédawá ent, man chedo sári nazánt
Harkojá ke ráh raptag, man gón ráhá raptagán
Tai padáni pólagá man mósom o bári nazánt
Pa do tramp ápá o chondhé nán rázi bitagén
Kázi má dán chest kotag sar, rájay dallári nazánt
Mobárek Kázi
Mobárek Kázi