Band o mátkóh o tihorán derráná rawán
Menzelá, barr o bédehán sócháná rawán
Dozhmenay hónán pa madhá tengáná rawán
Yá dege sohrén mádené randáná rawán
Byayt agán har jawrén badé almásay rahá
Áiá chó lawsh o kuthagá tronsáná rawán
Pa mani hamráhán agán bénamb ent dhagár
É delay hónán yakshalá récháná rawán
Cha man o brátán zehtagén mitápén ladán
Ásá chó basshi jambará gwáráná rawán
Tán bepahrézant ent watá béwas nádarén
Dém pamá jawrén dozhmenán grandáná rawán
Yá rasénán dazbrádarán miri tákchahán
Yá kalátáni gwátgerán prósháná rawán
Rastagant róché dóstá gón márén lankokán
Á mobárekkén chóthawán randáná rawán
Dant maná jázáté agán Hánol kégadén
Gón delay armánán, Sayad, kandáná rawán
Bolórdán - Kaserkand
Sarshap, sayshambay, 5-Aktubar-1954
Sayad Háshomi
Sayad Háshomi