Zahiráni rázán delá jágah ent
Delay kamm o bázán delá jágah ent
Tará jágah ent didagáni tahá
Tai thahl o názán delá jágah ent
Manárá begéján golay tránagá
Hamá shayr o rázán delá jágah ent
Taw bass yabbaré máhén murkán mojén
Tai kollén mejázán delá jágah ent
Edá mardomá nést shán o sharap
Bale zarr o gázán delá jágah ent
É mehray pakirán magend záherá
Esháni nomázán delá jágah ent
Taw Kázi satar gandakáré bebay
Tai pant o wázán delá jágah ent
Mobárek Kázi
Mobárek Kázi