É kóh o dhann o gyábánán, eshán bahá makanet
Mani zerán o tayábán, eshán bahá makanet
Becháret pa wati bándátay chokk o parzendán
É rájay didagay wáb ant, eshán bahá makanet
É ju o óthag o bandán o é kawr o kánigán
É zendagiay sharáb ant, eshán bahá makanet
É jawr o gazz o kalérán, é shemsh o gómázán
Hamé maná pa goláb ant, eshán bahá makanet
Baheshtrangén nedárag é mósomi sáchán
É zéday delbarén dáb ant, eshán bahá makanet
Kapót o shántolay alhán, kodratay názénk
É kukuáni rabábán, eshán bahá makanet
É shayr róchmesálén, man náletant, Zámen
É ars máhá hesáb ant, eshán bahá makanet
Zámen Morád
Zámen Morád