Baré baré é del goshit
Cha mardománi jangalá dar áyán, dur o dar bebán
Hamódá kass mabit dega
Cha harkasá gesar bebán
Watá gón hamsapar bebán
Cha mardománi jangalá dar áyán, dur o dar bebán
Hamódá kass mabit dega
Cha harkasá gesar bebán
Watá gón hamsapar bebán
Baré baré é del goshit
Cha ázmánay dámoná
Karój máh o kalkashán, sanj o róchay mohragán
Mán rahsaré chagal beday
Cha ázmánay dámoná
Karój máh o kalkashán, sanj o róchay mohragán
Mán rahsaré chagal beday
Baré baré é del goshit
Bogwaj é jádhén didagán
Delá cha sénagá bekassh o jigá pahká tal beday
Bogwaj é jádhén didagán
Delá cha sénagá bekassh o jigá pahká tal beday
Baré baré é del goshit
Haminkadar begré ke didagáni ars belly hónhawár bant
Hamincho aks mantag didagáni shishagán
Tawám belly gár bant
Haminkadar begré ke didagáni ars belly hónhawár bant
Hamincho aks mantag didagáni shishagán
Tawám belly gár bant
Baré baré é del goshit
Haminkadar bonósh o kassh ke
Zahr chó ke hóná belly jánay shahragán tachit
Tawám shezzén jawzagán
Boná cha rótagán gwajit
Dán sáhay sád par rechit
Haminkadar bonósh o kassh ke
Zahr chó ke hóná belly jánay shahragán tachit
Tawám shezzén jawzagán
Boná cha rótagán gwajit
Dán sáhay sád par rechit
Baré baré é del goshit
Cha didagán komár bay
Delá cha békarár bay
Baré baré ke gésh dardwár bay
Sharábán zahr mán bekan
Bonósh o sháeri bekan
Cha didagán komár bay
Delá cha békarár bay
Baré baré ke gésh dardwár bay
Sharábán zahr mán bekan
Bonósh o sháeri bekan
Aliján Dád
