Byá padá shatkén taláráni delá derrán kanén
Gránbaháén dósti o mehrá padá arzán kanén
Gránbaháén dósti o mehrá padá arzán kanén
Tai doén gálán mani násarpadén del gón jatag
Byá padá gáláni rabbálaw zeri nódán kanén
Byá padá gáláni rabbálaw zeri nódán kanén
Márá cha ráhá gesar kortag é béráhén sarán
É delay hónán cha, sohrén mádené randán kanén
É delay hónán cha, sohrén mádené randán kanén
Ni delá sahdhén ke jwánén róch chammán andar ant
Zán pa zán nendén jagarborrén gamán tálán kanén
Zán pa zán nendén jagarborrén gamán tálán kanén
Ráh may bastag agán kóh o talár o gréshagán
Gón wati sarpanjagán shéri, rahé borrán kanén
Gón wati sarpanjagán shéri, rahé borrán kanén
Miriáni proshtagén bán o rabad may sangar ant
Cha badén hónán sagáráni zehán sóhán kanén
Cha badén hónán sagáráni zehán sóhán kanén
Kambari dawré padá kárén o mán jáná pahell,
Makkahén mátáni mehr o dóstiay shirán kanén
Makkahén mátáni mehr o dóstiay shirán kanén
Nárawáhán pa may gwargendán kotag ómán, padá
Shakkalén arwáh o gahgirén sarán bérán kanén
Shakkalén arwáh o gahgirén sarán bérán kanén
Chó gerók o bir o napt o ásgwarén jambará,
Dozhmenáni zéd o mitápén ladán sóchán kanén
Dozhmenáni zéd o mitápén ladán sóchán kanén
Pollén diwan o marágáháni kóhén háterá
Dahsari sut o hazárganjén napán táwán kanén
Dahsari sut o hazárganjén napán táwán kanén
Mán tarrant Hánol o Mahgol agán démá may
Mennatánesh zurén bandigesh wati kawlán kanén
Mennatánesh zurén bandigesh wati kawlán kanén
Dur naent menzel hazárganj o hazárnázén, Sayad
Hambalán zurén chó kawrá dursarén rombán kanén
Hambalán zurén chó kawrá dursarén rombán kanén
Bahren
Ádénagay sabáhay 5:20
20-Aprél-1956
Sayad Háshomi
Ádénagay sabáhay 5:20
20-Aprél-1956
Sayad Háshomi
