É karnay sáhegay ásá kasé ke sar nayayt ent
Mani zeminay poténkán cha drachké dar nayayt ent
É kóh o kawr pa tai gendokéá nádráh ant
Anárgróhagén bechkandagé nezar nayayt ent
Begend bátenay béwánki módagé jédhit
Á kunj arsay ramé didagán gesar nayayt ent
Dán ápay kálk padá gwaptant zeray kawshá
Gobárshoshtagén setráni rang dar nayayt
É gongodámén tabay hájatárá kay pahmit
Cha sáhegáni zobáná kadi habar nayayt ent
Balóchay hón hamok drachkay shahragá petthit
Á sarmachár ke kóhá borawt dobar nayayt ent
Bebátán gésh morádig pa watá Armán
Ke tai abétkiá tahnáiay asar nayayt ent
Hálek Armán
Hálek Armán