Taw hayál ay bégaháni, sohbay wasshén tránag ay
Taw nazánay zend o zántay bézobánén zánag ay
Taw malár ay, taw gedár ay, mast mastén jannatay
Pormadháhén mallagáni béenánén shánag ay
Harp harp ay didagáni, labz labzén bégat ay
Taw delén delbar ketábay lahm lahmén wánag ay
Taw samin ay golzeminay, máhay máhén máhekán
May shapay oppáragáni béryáén pánag ay
Taw ke shóház shádeháni shámoluk shóházetag
Mahpali nódáni sáchá parchiá delmánag ay
Golámosén Shóház
Golámosén Shóház