Hón dátag o drachk bar kotagant
Má padá bir kóhán sar kotagant
Eshk wa yabbaré bit balkén bale
Lahté kár ant ke má dobar kotagant
Man mayárig naán o taw ón naay
Rang donyáyá béasar kotagant
Hecch tamáshá tará cha pad nakotag
Bass tai nimóná chamm tarr kotagant
May mayár ent ke doketábi ganók
Zortagant ázmáná sar kotagant
Jang karzit tai badan, jánán
Má wati dast hóná tarr kotagant
May shapay kessahán nazánt kasé
Tir pa dozhmenán napar kotagant
Lahté gapp ant ke yabbaré bant bale
Sakk nagég án ke man dobar kotagant
Jang o áshóbay myáná bámardán
Ges wati zortagant, kabar kotagant
Béwasi béwasi ent, báwar kan
Má talab zortagant, sabar kotagant
É wadáré naent yakk waylé pa taw
Hón shántag o chamm dar kotagant
Andará kasé mótk jant Ázer
Tai tawárá ni gósh karr kotagant
Ázer Morád