Áyagá ay taw kolawé mán bahárá gón ent
Anchén nimómé mani kórén delárá gón ent
Darday sakrátén hawassán man nagishán parchá?
Chónén esráré tai eshkay wadárá gón ent
Záná é bang o sharábáni neshah ent ke proshit?
Á, dege chádhé mani chamm, homárá gón ent
Sál o máháni abétkiá damáná próshay
Anchén yakk lezzaté delbar tai tawárá gón ent
Rást o drógáni matáhán cha gesar bán zánán
Wahdá paygambari sawgáté pa márá gón ent
Chó Moridá ent pakiré taw bezánay Hánol
Á tai didáray sepáhi ent, katárá gón ent
É mosámáni kazáyá gón Esákay háthig
Chincho dam bortagén hamráhé ke yárá gón ent
Esák Pedá