Yád kanán tai rólahén rakkán, bégáhán béwár kanán
Kammé tahári dar géján o estáré, estár kanán
Chósh naent ke yakkén róchá sajjahén yárán shóházán
Chandé dozhmen gir árán o chandé sharrén kár kanán
Dánke dirén mardom byáyant, byáyant ent nazziká mani
Man háligén chammé chárán, man yakk wábé gár kanán
Sawdáger gón bechkandéá kyás kanant, kandókén dapán
Shahrán káay hecch magosh ke shahr delán áwár kanán *
Poll cha dárán zébá ant o taw cha pollán zébáter
Tai shahméay shóházá man kóhé bán, ópár kanán
Didag anga sohrén démé, dir jalakshit, bérah kant
Bérah kant ke nazzikiá sharrén mardom zár kanán*
* áwár janant
* zahr kanant
Shahmir Didag