Bretkagén óstáni sózmán enserit bárén kadi
Nawbatán wasshén zarókén del trahit bárén kadi
Shádeháni johday sálónkay pa gwarambázéá
Washrawájén wahday bánór sambahit bárén kadi
Kohtán ázmán kant sarshán gón ragámi gwáragán
Polwadárén didagán arsé shalit bárén kadi
Mehray ásá sotkagén pirdánay syahdhannén pedhá
Sohrchak o átárén yakk pollé srapit bárén kadi
Golámahmad Balóch