É zamánag tai zahiray wábjáhá ágah ent
Del mosáper, ákebat emrózay ráhá ágah ent
Kammén mahtal bu man chammán band kanán, hálé gerán
Kay mán zerdá wáb kaptag, kay negáhá ágah ent
Kaddah ón talkárén lontháni hazár randá proshant
Dán mani hóshámay trampé dahray cháhá ágah ent
Wábén zenday katraháná jannati gónáp dant
Andará zerday hayálé chó gonáhá ágah ent
Balkén róché jódh bit dán menzelá má sar bebén
Wáhagáni é cherágén gam ke ráhá ágah ent
Dóshi shóházá delay dar kaptagán gendán Monir
Chó taháriá sochán ent, chó ke máhá ágah ent
Monir Mómen