Darday saggag, arsay réchag, ranjay baddhag hél kotag
Ach taw pad nun tai shaydáyá zendag bayag hél kotag
Ach taw pad nun tai shaydáyá zendag bayag hél kotag
Má é ahday goddhi shaydá, má chón dódán matth kanén
Taw ke démá jonzag lóthet, má ke jallag hél kotag
Taw ke démá jonzag lóthet, má ke jallag hél kotag
Dardá asalá wahd pakár at, márá ham eshtáp naat
Ach taw pad dán ahdé grétag, nun má ke kandag hél kotag
Ach taw pad dán ahdé grétag, nun má ke kandag hél kotag
Eshk wati dódáni páband, dód esh ent ke ranj beday
Ars ché ant ke tai nábudá hónay tengag hél kotag
Ars ché ant ke tai nábudá hónay tengag hél kotag
Tahnáiay jédhah tahná ópárá gón prósh nawárt
Má é abétki shap cháréntag, má nun saggag hél kotag
Má é abétki shap cháréntag, má nun saggag hél kotag
Goshty Ázer bass yakk janekké chón dán omré pahrézay
Man gosht jangal jonzet nakanant, morgán laddhag hél kotag
Man gosht jangal jonzet nakanant, morgán laddhag hél kotag
