Mani arwáh
Goshay kermkaptagén jóné
Lagórén zenday hákóthay sará kaptag
Pa chónén ozr o nimóné
Talán ent rém nán hóné
Saray kámpól góshtá ham yalah dátag
Delay drikag ón óshtátag
Lagórén wahday dantánán
Maná chiléntag o játag
Dapá ant pesshián mázag
Del o lápigán kasshant hónwárén sag
Gorág o gutu o tólag
Sará per retkagant anchosh
Hazár wandhá kotag tosh tosh
Mani dam bortagén arwáh
Goshay kermkaptagén jóné
Zemin nádráh
Dapunkah dráhén keshk o ráh
Napas kasshet nakant donyá
Gahéntag hastiay pézhgáh
Nawasshén bátenay buán
Chó gwátá mán rópán ent
Tawámén gréshag o kóhán
Talán ent hármallén kawr o shahjuán
Sadhán ant haddh
Rézán ent mani kámpól
Tani wahdi hamá ant
Jenterén chahráni gard o gól
Hamá pishkándh, patth o pól
Janózámén shapá angat namatthéntag
Tahárén tálehay syáhén wati gardól
Zobánay áchén oppárán
Chokorrit rém nán hóné
Lagórén zenday hákóthay sará kaptag
Pa chónén ozr o nimóné
Mani arwáh goshay kerm kaptagén jóné
Zemin nádráh machent póné
Majid Ájez