Saláh

Mobárek Kázi September 2, 2024 68 views

Mani, tai saláh che paym bit
Taw shahray thithalén jenekk
Man kóhsáray shwánag án

Mani hayálay bonzehá
Cherág rózhná bant

Mani tahárián shapay
Hazár máhekán trepant

Man zendag án pa wáhagé
Baháray sanjay nawbatán

Bale tachit hers tai
Pa rang rangén mádhián

Tai delay morád bass
Mán sohr o sabzén gádhián

Manárá dóch dóst bit
Taw lóthay shahray sádhián

Baháray sohrén dóch man
Hatam mani delay pahár

Bale cha zerday wáhagán
Taw bésamá o bémayár

Man talwasán taw bégam ay
Man róchay shahm án taw shap ay

Mani, tai saláh che paym bit
Taw shahray thithalén jenekk
Man kóhsáray shwánag án

Mobárek Kázi

Hamrangén nebeshtag