Zagrén hónán gón hennián ménén
Gwádhagén keshkán jawr ródénén
Chamm o del may sadakkah ant pa taw
Gosh, tará má kojá benádénén
Márá hast azhdeháén daryáé
Markabén ráchenán benázénén
Áhenén ranj zang buán ant
Shishagén del gobár o danzén ent
Basshá geptag ke Sáhejiá sangar
Zánán démpán Kéchay hámén ent
Shórahi trák poll srápénant
Métag ent may, hamé may hankén ent
Shir máti gwaráni hoshk bebant
Mallén bacchán má hón méchénén
Bass hamé hákomén madháh ent may
Grétagén gwádhagán nakandénén
Chárén kondhán tahármáhi ent
Shapcherágé kojá bebálénén
Hoshk o hayrán mantagén, nun má
Zendagiá che wadh bogwázénén
Ájezá bell, gár o gomráh ent
Jend may dánke gardená mén ent
Majid Ájez