Tai jetái drin sázit har damán
Tahr tahrén rang shengit ázmán
Jédhagáni dar bojant sarháléá
Labz mánáyáni pólá sambahant
Shayr zébáiay darpán kayl kant
Sákemiay sáhegán del trán kant
Tai jetái polléá átár bit
Zendagi pa zendá ómánig bit
Andóháni sánkalán sázé bojit
Ájui bandén darigáni shamá
Dur durá nawbaté pásá zarit
Tai jetái mósomay dazgohár bit
Kawsh gónápá pa tokshit chahréay
Jodh pa alhámi bashárat dant modám
Nódshanzén sáhaté chágerd bit
Zer hayálay chádh bit o chawl jant
Kadir Ságar