Róch ach tai rozhná srapit
Pa man gedári jammaré hoshkén hawass shanzáná shot
Syáh o tahári ach tai estálbramshén, mahkándranzén hayálá rózhná
Zerdon nabramshet sáhaté
Zánt ent tai kollay cherág
Éokiay bésáhegén hamráhi ent
Ájui tai mehray namiránén hatam
Chihálán gothgir án ke zend ent érdast
Émengeri tai wáhagáni mojjatién mósom ent
Áshób taw
Áshób man
Áshób tai zórákén hérópay abadmánén keshár
Chellag azáb ent ke mani johdáni ásar, bésamar
Zenday tamardén shartagán
Tai pegray gawharkimati rahsój
Má tonnig ahdán Chákari
Gáhorr, pa má bésadap
Tai jawhará kóh proshtant
Kóh ant kalát
Dhéh thahant
Bébondarán
Atá Shád