Oo mehrabánén máhekán
Ambáz maná mán bánzolán
Chó mádará názén modám
Mehráni shágén gwánzagán
Oo mehrabánén máhekán!
Ambáz maná mán bánzolán
Chó mádará názén modám
Mehráni shágén gwánzagán
Oo mehrabánén máhekán!
Drapsh chó drinay dróshomán
Nuráni dranz morwáredán
Borz o hashimén kohsarán
Dasht o Negwardémán balán
Oo mehrabánén máhekán!
Nuráni dranz morwáredán
Borz o hashimén kohsarán
Dasht o Negwardémán balán
Oo mehrabánén máhekán!
Sayl kan molurén métagán
Halkay abétkén rahsarán
Ensertag chóke máneshán
Bé zend o zránkén zendmán
Oo mehrabánén máhekán!
Halkay abétkén rahsarán
Ensertag chóke máneshán
Bé zend o zránkén zendmán
Oo mehrabánén máhekán!
Nilén zeray dardán bemár
Chihálán chawlay gósh bedár
Dóshi padá grétag shapá
Sohbay saray nambá bechár
Oo mehrabánén máhekán!
Chihálán chawlay gósh bedár
Dóshi padá grétag shapá
Sohbay saray nambá bechár
Oo mehrabánén máhekán!
É kuchag o é kahcharán
Wayránén barr o bédehán
Pa karnay karyábán kadi
Shengit tai áberawán
Oo mehrabánén máhekán!
Wayránén barr o bédehán
Pa karnay karyábán kadi
Shengit tai áberawán
Oo mehrabánén máhekán!
Jóhán dán jónay nabit
Mósom saray rónay nabit
Sanjé che rangá sambahit
Hawré shalán hónay nabit
Oo mehrabánén máhekán!
Mósom saray rónay nabit
Sanjé che rangá sambahit
Hawré shalán hónay nabit
Oo mehrabánén máhekán!
É shap che paym anchó gwazit
Estárán yakk yakká koshit
Rózard hazár bar gimorit
Jazm án padá bámé balit
Oo mehrabánén máhekán!
Estárán yakk yakká koshit
Rózard hazár bar gimorit
Jazm án padá bámé balit
Oo mehrabánén máhekán!
