Saminsanjén zerdá boján ent hayálé
Shakarkandén labzé, shakarnázén gálé
Polán ent maná cha maná darday zémer
Cha wat béwat o wat watén yakk mesálé
Padá zil zendag, pa del nóshagáni
Kashá nograbandé, gwará dorjamálé
Sobakkasshén kawsháni mawjén hazánag
Wadhé póshagá ent delay shahrá shálé
Mani ombray hamráh, mani didagay rók
Pa man ganj o sité, jaz o sohr o málé
Namannit delon, man cha paymá bemannán
(Ke) Mehr gappé wasshén, mohabbat hayálé
Nalóthán baheshtay, zahur o tahurán
Pa man shengerrén gazz dayáray chenálé
Nabit béde dóstán, nabit márá Shóház
Hamok róch may máh o hamok shap may sálé
Golám Hosayn Shóház
Salálah, Omán