Zyádahén dard o géshterén ómán koshant
Bazzagén Shayhá Hánolay sózmán koshant
Atkagén dhokkálá nakot érjig dhil mani
Thithalay thahláni maná tupán koshant
Sóhawén mollá, zyárati monjár o pakir
Gón wati mandrán sarjamén elmán koshant
Gwálag o pátán wahl kotant miráni baronk
Bazgarán halkay moshtagén jóhán koshant
Gwádhag o polláni telahrangén dróshomá
Korr o béwákén páneg o bágpán koshant
Dast narasit ke jódh kant zántá bésharap
Kasséá chawhá, kasséá gégán koshant
Harch dapár gájél ent dapá wasshén wardenay
Kaptagén mardá retkagén dantán koshant
Gallah o brenj wat nósh kotant gégé mehterán
Nánpachán hórk o háligén hirán koshant
Jambari shénkay wádhah o ostá gal ant
Mán partagán tassh o harrag o sendán koshant
Gwánzagi gawgáyán nazántkárén ballokay
Bandag o mórt o kocchalén darmán koshant
Gwasht kayá gwangén sangat o brátáná Shóház
Mádarén hankénay tahay zendán koshant
Golám Hosayn Shóház