Bál bastagant máhay gendoká pa sar geptag
Morgéá delay tóká ázmán dar geptag
Tai zahir arwáhay sangará selahband ant
Sénagá delá chérén sar wati satar geptag
Abramay moluri má hón shánagá distag
Zarduiá bimárén gédiay jagar geptag
Mán rusetag harró pa darámadén dábán
Jáhelén delá záná mardomay habar geptag
Bégahéá zébái mán patátag kandilá
Bálué galá bál ent watkoshiá sar geptag
Pad jatant doén didag gón babátagén wábán
Byá ke é kalátén del man pa taw dobar geptag
Má tai wáres én, márá cha tará per ent bógé
Zendagi hamok má tai hilah o honar geptag
Béde jang o janjálá kass chiá nabit sarpad
Émeniay dámon má gendagá wa sharr geptag
Dád má nadistag á poll jangalay ráhá
Kukuán kapótáni nám báz bar geptag
Aliján Dád