Delay é tráwalán kai dámoná karárénán
Zamánah dardán nagendit áshkárénán
Nashahmit anga mani nawbatay gamigén badan
Man máhekáná gón tai surmagán hawárénán
Na gimorit na sabzit che paymén ommété
Byá ke tonná delay marchi ás chárénán
Hazit chó gwátá goshay mehlabén padé chárit
Nabit hawár gón tai áhuán shekárénán
Agan begréwán godhá didagon gelag nakanant
Gón ázmáná zeray wáhagán hawárénán
Monir é sinagay mirásá kay bedant lilo
Maróchán zár kotag morgán shaptawárénán
Monir Mómen