Prósh nawárt ent ráji lashkar deljam bu
Ájui dán mánant sangar deljam bu
Ájui dán mánant sangar deljam bu
Mekk bebán dán goddhi tirá tai démá
Jang nabit ent may chó ásar deljam bu
Jang nabit ent may chó ásar deljam bu
Jonzay rótag kandh ant zeminay delbandá
Hónán hawárén zahm o espar deljam bu
Hónán hawárén zahm o espar deljam bu
Baksháyag pa dastay tupak zéb nadant
Má ón nabén dán margá wátarr deljam bu
Má ón nabén dán margá wátarr deljam bu
Tors o bimá koshtag tará chó báju ay
Mast o tawáná mallén may sar deljam bu
Mast o tawáná mallén may sar deljam bu
Johd mayg ent má pa johdá korbán én
Sar má dátag angat dayén sar deljam bu
Sar má dátag angat dayén sar deljam bu
Márá másán pa áshóbá názéntag
Lilaw mátay kárant nun bar deljam bu
Lilaw mátay kárant nun bar deljam bu
Béde kóshá ráh namantag hecch Saki
Sherr nabit ent nun hejbar sharr deljam bu
Sherr nabit ent nun hejbar sharr deljam bu
