Zerday Bágá Bahár Ham Kayt Ent

Zerday Bágá Bahár Ham Kayt Ent

Akbar Bárakzai August 29, 2024 51 views

Zerday bágá bahár ham kayt ent
Dardán róché karár ham kayt ent

Gam makan marchi má chó béwár én
Néth róché may wár ham kayt ent

Kátel o hónwárén shap kotthit
Gal kanán án sahár ham kayt ent

Golzemin sambahit chó bánórá
Kuchagán may bahár ham kayt ent

Man delá jazm án róché kollá mani
Dordapay daptawár ham kayt ent

Akbar Bárakzai