Zerkawshay baheshtá ent na polláni dará ent
É zendagi bé taigá zahiráni chará ent
Tai duriá sakk grétag é chammán ke taw genday
Morwáredén arsáni maná háré gwará ent
Har áshekay armán ent, hamok sháeray ján ent
É shirkenén bechkand ke tai lontháni sará ent
Tai mahparay sáchánay shalán sabzetag mósom
Tai mallagay hamráhiá wazhbu sapará ent
Man pahr bebandán agan dóstá pa choshéná
Wádah gón maná ent o wapá gón degerá ent
Shap róch pameshká chó kapótaygá man nálán
Tai wáhagay yakk shelsarén tiré jagará ent
Tahnáiay nimóná man didár kanán tai
Zébáiay tai aks maná gón habará ent
Mósomtabén donyáyá kadi mán nayáray
Taw zánay ke har hálá tai Zámen gón tará ent
Zámen Morád