Réchán rahsarán sohrén poll
Sawté pa tará goshán bolbol
Pa taw del zarit byá oo byá
Tompay Bánadhi byá oo byá
Ládhi layladhi gódi byá
Sohbay shanzagán nódi byá
Pa taw harkojá sádhi má
Tompay Bánadhi byá oo byá
Bortag báj tai dazgohárán
Sabihah Mehlabén kerdárán
Byá tai kárawán jonzán ent
Dozhmen har damán ranján ent
Gón, gón tará Mahrang ent
Dáem dozhmenán gón jang ent
Pa taw golzemin shaydá ent
Bayrak tai goshay rangá ent
Rangá pésari byá oo byá
Tompay Bánadhi byá oo byá
Ér á Kambaray ábandá
Tompay mayzarén delbandá
Názénké jatag estárán
Dér ent chamm tai rahchár ant
Shahidáni sari byá oo byá
Tompay Bánadhi byá oo byá
Háré rombetag tai námá
Arsé shanzetag gwarbámá
Kollén hastiay sháhi tab
Wábáni molukén mehlab
Rozhnay ájui byá oo byá
Tompay Bánadhi byá oo byá
Jangi mósomán par réchant
Gir may delá sarréch ant
Sheng harkojá tai nám ent
Keshkán poll chetag hazzám ent
Rapik Rahchár