Sázáni bánok gwátién
Chawlán bogosh eshtápién
Nun mayg o tai béwánkián bé bramsh o áwázá nabit
Nun mayg o tai nágoptenén tahnáián
Bé sawt o bé sázá nabit
Gwátá bogosh sornáián gwánké bejant
Nódán bogosh ke thimboki o dhohlián wánké bedant
Chónáyá nun zendagi
Chó borkapóshén kádhéá námahramay démá nayayt
É tai pachén péshániay shahgáni ent
Ezmay pari delmánag ent
Chó Payzokay tamburagá
Táré besendit morgéay pádá bedant
O
Cha sorózá Sacchaway
Pa zendagi
Zagrén soré kaddhan bekant
Ta chó mabit
Ke bénegáhi nawbatay eshká ón bébáten bekant
Aliján Dád