Gón hamé ranján betrakkát badgománén del mani
Man hamá ráhay mosáper, pand bémenzel mani
Shahray mardom ché bezánant, chié marg o zendagi
Didagán cha pehmyán ent nágatén kátel mani
Zálem o zórákén wahdá cha maná pach geptagant
É hazárganjén tayáb o zer mani, sáhel mani
Barpén labzáni nebeshtah tramp trampá áp bant
Kappién kessah bebit sarjam damáné bell mani
Nágahán márá kapóté balkén mestágé bedant
Ás mán lápá jahánay nákonáni chell mani
Yabbaré ke cha tai bázárá dar kaptán godhá
Randá padrandán begenday taw padá moshkel mani
Ájezá goshtag pa zaymán wád darmáné bale
Ájezá thappán zobánay per kotag pelpel mani
Majid Ájez