Zendagi kojá borawt
Ché bekant
Ché bezánt
Ke zend chié?
Zendagi kojá borawt
Marg mardomé bebit
Dhik bowárt rahsará
Bebárt kassé á sará
Manárá gendagi ent, cháragi ent zendagi
Wati tahá manárá máragi ent zendagi
Sáh ke bámá rók bit
Bóá sheng kanáná kayt
Manárá hál dayáná kayt
Marg rastaré naent
Marg ásaré naent
Ke marg ham daré naent
Gam che paym gár bant?
May wasshián kojá barant?
Sáhá may kojá gerant?
Gam che paym maná warant?
Zend jangalé bebit
Marg kukué bekant
Taw byár kessahán delay
Man neshtagán, sáhegé
Tarárá gósh dárán man
Byá beras delá mani
Sará taw ér bekan bogwash
Che paymá sar geray, kojá delá baray?
Chón káay rahsaré, chón manárá daz geray?
Marg passawé bedant
Zend chér bayáná byayt
Ágahi mán póshit cháderé
Wáb gam kanáná byayt
Gósh bedárit kessahán
Deláni móm áp bant
Ke gam che paymá sáp bant?
Marg pátóé bebit
Zend pollé jangali
Byayt sará benendit marg
Bó bechent tará padá
Tarárá chest bekant bebárt némagé
Tai wazhbóá samá bekant
Tai harkasé gamá bekant
Ke kessahán jamá bekant
Marg zhand bit padá
Byayt kassi dastéá
Thappy ér bayán bant
Naksh bant bánzoláni lapp
Dastáni zenday lankokán
Yal dayáná bál kant
Nayayt padá may jangalá
Ke margay gam warant maná
Chón zendagi dayant maná
Zend jangalé naent
Marg pátóé naent
Man ke wábé distagat
Margay jend mortagat
Shahryár Balóch