Zi tai hóthagén didagáni jalashké padá yád atk
Chamm padá pa tai názorkén thahláni didárá mélánk etant
Lonthán tai tájagén gardenay lezzatáni talab lóth kot
Dastay é wáhag at ke tai lankokáni shamá mani lankokán jáh bebit
Démay lóth at mani ke tai zolpáni syáhén goshánay tahá ombré jallet bekant
Barpdábén badan pa tai taptagén narmén ambázay wábá gón delgósh bebit
Sáhay wáhag esh at ke gón tai wazhbuá ragáni tahá chawl bejant
Del padá pa tai báláday keshkáni dar pa dariá adhet
Aglay támórén thebokk chathá bránz gept
Man ke tai hóthagén didagáni jalashkay neshánagá chó sarichkéá óshtátagetán
Bárén chinkas talab lankokáni sará o ragáni tahá gardeshá at mani
Bárén chinkas tawáráni danzá delay sáp o palgárén diwál o dar zang jatant
Chinchok nimón paddar bayán at padá
É jotái ke yappáregi may nyámá chó talká srapit
Bit kant ke mani bétawári o besoddiay bar bebit
Bit kant ke man tai mehray dáwáay bestáray arzesht nazánt
Bit kant é mani agli tangdasti at ke man jédhet nakot
Poll parchá pa bésassáén pátuán shirtámén bar ant
Róch parchá pa róchgwárchokay hasti o néstiá allami ent
Macch parchá pa gonsháni bétám o bélezzatén bósagáni tamáhá zarant
Máh parchá pa yakk éok o béwasén mardéay háterá dráhén shap wáz kant
Shap chiá é cherettáni dráhén gamán zirit, ambáz kant
Zardén rangá chiá tákchandhay abétkén gelag dóst bant
Mókuán parchi gón kalandhén gesán mehr bit
Rozhnay lilok chiá tahná pa rozhnay yakk kálké sáh o sar dát kant
Man wati watparastiay shaydá, wati aglay kórén morid
Jangámáchén é golzeminay golám
Pir o láchárén bámardéay gár o bégwáhén bistsáli bacch
Nóksirén nesháray shahid bitagén marday torsókén brát
Shahdaggán mocch bayókén nendánkán nárah janókén Balóch
É zeray wár o bérózgárén wáhond
Sharrangén jenekkéay zébáén báláday goddhi ganók
Na watá cha wati watparastiay jangá man rakként kotag
Na ke pa é zemin o zobán o zerá zahmé jatag
Anni é sáhatá
Man wati agl o tai tránagáni nyámá ke óshtátagán
Zánagá ón nayán
Pa man tai hasti o watparastiay nyámá chi ent, allam ent
Man tai shirtámén báláday shaydáén pátu
Rozhnay lilok, cherett, zardén rang o abétkén shapay éok o béwasén mardakár
Cha tará o tai lóthay zébáén ranjá gón chér o sar án
Man agan cha wati watparastiá sáhaté ón dazkassh bán
Jenday chammán kapán
Man hamá Móku án ke kalandhén gesáni tahá zendag án
Cha wat sharmendag án
Chamm padá pa tai názorkén thahláni didárá mélánk etant
Lonthán tai tájagén gardenay lezzatáni talab lóth kot
Dastay é wáhag at ke tai lankokáni shamá mani lankokán jáh bebit
Démay lóth at mani ke tai zolpáni syáhén goshánay tahá ombré jallet bekant
Barpdábén badan pa tai taptagén narmén ambázay wábá gón delgósh bebit
Sáhay wáhag esh at ke gón tai wazhbuá ragáni tahá chawl bejant
Del padá pa tai báláday keshkáni dar pa dariá adhet
Aglay támórén thebokk chathá bránz gept
Man ke tai hóthagén didagáni jalashkay neshánagá chó sarichkéá óshtátagetán
Bárén chinkas talab lankokáni sará o ragáni tahá gardeshá at mani
Bárén chinkas tawáráni danzá delay sáp o palgárén diwál o dar zang jatant
Chinchok nimón paddar bayán at padá
É jotái ke yappáregi may nyámá chó talká srapit
Bit kant ke mani bétawári o besoddiay bar bebit
Bit kant ke man tai mehray dáwáay bestáray arzesht nazánt
Bit kant é mani agli tangdasti at ke man jédhet nakot
Poll parchá pa bésassáén pátuán shirtámén bar ant
Róch parchá pa róchgwárchokay hasti o néstiá allami ent
Macch parchá pa gonsháni bétám o bélezzatén bósagáni tamáhá zarant
Máh parchá pa yakk éok o béwasén mardéay háterá dráhén shap wáz kant
Shap chiá é cherettáni dráhén gamán zirit, ambáz kant
Zardén rangá chiá tákchandhay abétkén gelag dóst bant
Mókuán parchi gón kalandhén gesán mehr bit
Rozhnay lilok chiá tahná pa rozhnay yakk kálké sáh o sar dát kant
Man wati watparastiay shaydá, wati aglay kórén morid
Jangámáchén é golzeminay golám
Pir o láchárén bámardéay gár o bégwáhén bistsáli bacch
Nóksirén nesháray shahid bitagén marday torsókén brát
Shahdaggán mocch bayókén nendánkán nárah janókén Balóch
É zeray wár o bérózgárén wáhond
Sharrangén jenekkéay zébáén báláday goddhi ganók
Na watá cha wati watparastiay jangá man rakként kotag
Na ke pa é zemin o zobán o zerá zahmé jatag
Anni é sáhatá
Man wati agl o tai tránagáni nyámá ke óshtátagán
Zánagá ón nayán
Pa man tai hasti o watparastiay nyámá chi ent, allam ent
Man tai shirtámén báláday shaydáén pátu
Rozhnay lilok, cherett, zardén rang o abétkén shapay éok o béwasén mardakár
Cha tará o tai lóthay zébáén ranjá gón chér o sar án
Man agan cha wati watparastiá sáhaté ón dazkassh bán
Jenday chammán kapán
Man hamá Móku án ke kalandhén gesáni tahá zendag án
Cha wat sharmendag án