Gir

Tránagáni ars hólomb ant delá
Har sabáh pa taw kolawhé rah dayán
Chón tai mehrán delá cha dar kanán
Chón goshán taw béwapáé butagay
Duriá tai hecch nasahdhit yakk delé
Cháragá tai chamm ráhán ant modám
Tai rawag chó mahshará ent pa maná
Del zarit ent pa tai bechkandagán
Byá ke lóthit del gón taw diwánéá
Dam nabortag jédhagá zerdá tará
Dam nabortag gréwagá chammán pa taw
Wassh naent bé taw edá sáhaté
Byá koj ant tai washlesánén gapp o trán
Byá ke zahirig ant pa taw mát o gohár
Byá ke grétag jambarán námá tai
Byá ke bé taw dardwár ant drachk o dár
Byá ródénén yakk dege bacché padá
Byá thahénén yakk dege káré padá
Byá jalénén yakk dege lógé padá
Byá ke béhál nabán man tai wáhagán
Wassh nabit zánán tará bé sangatán
Neshtag o jédhay modám lonthán gasay
Gir káyant tará sangatáni nyád
Sabzokén poll o baheshtén sardhagár
Pish o kawr o dhák o dhann golén
Kandag o diwán shapáni yát bant
Man wadárá án padá byáay agán
Dur óshtay maná gwánké kanay o goshay
Dád tará pa, sakk zahir kant maná
Wahdé man, gendán tará zerd mani táhir gipt