Man mohkamén póláté án
Sóragdhali pishé nayán
Bé áp o tóshag rostagán
Garm o jalán sar gwastagán
Gón hawr o grandán layb kotag
Rótag talárdémán jatag
Syahgwát nashengénant maná
Bé mólomá bar bitagán
Sarták nachartag mahrián
Ásk o sayd kohpáchenán
Lonj o tahármáhén shapán
Pa deljami wáb bitagán
Sáhegtabén zard bégahán
Sarchudh pa dábé gwaptagant
Pa bám o gwarbámá golén
Armán o dard chandhéntagant
Ranjáná táhir dátagant
Inchó gal o shádán mabi
Chó sógahén pandal masáz
Bésób bay taw allamá
Wábá magend chó émená
Wábay bezántán dar makan
Hónigén dastán thekk majan
Bánóri buán chó mamosh
Chó chandaná átár makan
Bikán masheng názántiay
Man mohkamén póláté án
Bihár tai gwátá dátagant
Laybay pedhá ér kaptagán
Ásar ke ché bit démterá
É sohl o saláhá wahd kant
Man Sammiay trondén tawár
Simáay hiskárag man án
Man Zargol án man Bibgol án
Dardán Hasibáay delay
Man arsé án, man dardé án
Man márag án, man jédhag án
Man kohté án, man ranjé án
Radpahmiay ámách mabi
Jenday wati pardách mabi
Man mohkamén póláté án
Sóragdhali pishé nayán
Bé áp o tóshag rostagán
Garm o jalán sar gwastagán
Gón hawr o grandán layb kotag
Rótag talárdémán jatag
Syahgwát nashengénant maná
Bé mólomá bar bitagán
Sarták nachartag mahrián
Ásk o sayd kohpáchenán
Lonj o tahármáhén shapán
Pa deljami wáb bitagán
Sáhegtabén zard bégahán
Sarchudh pa dábé gwaptagant
Pa bám o gwarbámá golén
Armán o dard chandhéntagant
Ranjáná táhir dátagant
Inchó gal o shádán mabi
Chó sógahén pandal masáz
Bésób bay taw allamá
Wábá magend chó émená
Wábay bezántán dar makan
Hónigén dastán thekk majan
Bánóri buán chó mamosh
Chó chandaná átár makan
Bikán masheng názántiay
Man mohkamén póláté án
Bihár tai gwátá dátagant
Laybay pedhá ér kaptagán
Ásar ke ché bit démterá
É sohl o saláhá wahd kant
Man Sammiay trondén tawár
Simáay hiskárag man án
Man Zargol án man Bibgol án
Dardán Hasibáay delay
Man arsé án, man dardé án
Man márag án, man jédhag án
Man kohté án, man ranjé án
Radpahmiay ámách mabi
Jenday wati pardách mabi
Man mohkamén póláté án