Didagáni maymá ádém hast ché
Bézobánén kessahán ádast ché
Ázagén bándát ché o gwast ché
Zendagiay laddh o bójá rast ché
Áblahén keshké yá gédhén menzelé
Wáhagé wayránén sótkálén delé
Chammagé sabzápén lordén tráwalé
Shiragén estuné arsáni shalé
Sabzokén wahmé gón wábán pédhetag
É jahán gón á jaháná médhetag
Tai zahiray zaymán zerdon lédhetag
Bass tará man jédhetag o jédhetag
Áp dán lonthá ent, nokké tarr nabit
Del gonahgárén ke ás o char nabit
Cha watá gishit o pa wat sar nabit
Dard may jáná ent, jáná dar nabit
Kahcharán naylon tai dozzén lashkará
Mázagán sóchán chó rókén angará
Pa zemin korbán bén má sad bará
Drapsh dant arwáh mehray sangará
Pazal Shér