Má Ham Keshká Nók Naén

Ázer Morád November 1, 2025 108 views

Má ham keshká nók naén, má ham zendé répéntag
Nókén dardé sáp kotag o kwahnén ranjé sahdhéntag

Tai názáni shaydá báyad pás bejant o shogr begipt
Tai zébái ahdé karzit má bass omré gwázéntag

Pa má zamziláni zémer mótk nabant ke názénk ant
Márá asalá bim nayayt ent, márá jangá ródéntag

Man chónáyá mán nayárán kwahnén dardán ján bale
É randi tai yátay kochekkán dráhén báten riséntag

Man wa lóthán ach taw pad ham kasé atk bekant ent bayayt
Ranj esh ent ke ach taw pad man keshké pasht nakápéntag

É dáwáé o é dáwá asalá sarjam rást naent
Márá tahná tai yátáni zaptén sáhatán répéntag

Ni ke atkay bechkandáni pollán pa man shánk maday
Man pa rozwái tai wáhesht sárt kotag o wápéntag

É wa ozré ján naent ke pa taw jangá wátarr bit
Tai shaydáyá cha taw pésar háká gón wat náméntag

Má gón ranján syádi dárén, má gón dardé bechkandén
Má cha zolmán prósh nawártag, márá kóhán méchéntag

Asalá Ázer jédhah tahná esh naent ke gendag bit
Má ham hoshkén shayr nagoshtag, má jangal názéntag

Ázer Morád

Hamrangén nebeshtag