Mani zédáni loddhókén kesháray dámoná jonzit
Mani mónjáni máná ent, tawáray dámoná jonzit
Balóchestánay zébái
Mani mónjáni máná ent, tawáray dámoná jonzit
Balóchestánay zébái
Gobárán ás kotthá dant, cherágán bang méchénit
Tahárén zendmániay drahén ázárán répénit
Balóchestánay zébái
Tahárén zendmániay drahén ázárán répénit
Balóchestánay zébái
Balóchestánay zébái pa jawrén dozhmenán biré
Sabáhay narmokén dast ent, hatamambázén táhiré
Balóchestánay zébái
Sabáhay narmokén dast ent, hatamambázén táhiré
Balóchestánay zébái
Drahén ahday gamán mókit, ya(kk) dábé malgozáráni
Gón gwátá chawl jant dáem, goshay kaypé baháráni
Balóchestánay zébái
Gón gwátá chawl jant dáem, goshay kaypé baháráni
Balóchestánay zébái
Balóchestánay zébái chonén porzémerén sawté
Ajab rozhnáén názénké, ajab mast o zerén sawté
Balóchestánay zébái
Ajab rozhnáén názénké, ajab mast o zerén sawté
Balóchestánay zébái
Mani kerdáray almás ent, mani goptáray imán ent
Mani “ennán”ay háthi ent, mani ekráray imán ent
Balóchestánay zébái
Mani “ennán”ay háthi ent, mani ekráray imán ent
Balóchestánay zébái
Wati morwáredén kádháni jigay sraptagén pollé
Zeminay sengén delbandá cha máhá kaptagén pollé
Balóchestánay zébái
Zeminay sengén delbandá cha máhá kaptagén pollé
Balóchestánay zébái
Baheshtá cha kayá zort o jahánay dámoná bastag
Hamok arwáhay pordóchén goshánay dámoná bastag
Balóchestánay zébái
Hamok arwáhay pordóchén goshánay dámoná bastag
Balóchestánay zébái
