Nán máhé hast maná nayke kalkasháné hast
Tará begenday bahárnawbatén gosháné hast
Tará begenday bahárnawbatén gosháné hast
Byá ráji jonzay tahá hardokán hawár kanén
Tará yakk chágalé hast ent, maná gedáné hast
Tará yakk chágalé hast ent, maná gedáné hast
É eshk chónén wabálé yalah nakant márá
May washbuáni tawárán ón zendamáné hast
May washbuáni tawárán ón zendamáné hast
Ni ázmán hamódá beshanzit estálán
Hamódá tásé o pirzálay srumadáné hast
Hamódá tásé o pirzálay srumadáné hast
Halij o Yuropay ganjén nedáragán bátay
Mani kapótán yakk sháhápé, Zámoráné hast
Mani kapótán yakk sháhápé, Zámoráné hast
Shodikén gókéá póstád del nabut waragá
Gón rásti báská maná abrami shegáné hast
Gón rásti báská maná abrami shegáné hast
Man setr póshán hamok róch brahnagén wábán
Mani zeminá katársáchén dódmáné hast
Mani zeminá katársáchén dódmáné hast
Zeminay hón mán kóháni chammán rechagá ant
Pa enkelábay zehán tirshalén kamáné hast
Pa enkelábay zehán tirshalén kamáné hast
Cherág chónahá ádénkay pákén áyát ant
Nawábay ahdá kalamwáresén jaháné hast
Nawábay ahdá kalamwáresén jaháné hast
