Asp etant o hónién káthár etant
Goddhe jangá éokén bázár etant
Ombray raptárá kasáni chósh wárt
May nyámá dóday mekk diwár etant
Áiay gón áyagá zenday zeray
Dard dráhén pa rawag áchár etant
Má pa jenday wábán harshap thokketant
Yár hámósh tai bale darbár etant
Del gón pázépáni pajjigá dar atk
Chónén wasshén loddhag o raptár etant
Pa tai zébáén hosnay arzonán
Didagáni morg mozhdawár etant
Laddhagá gón kasséay* shahray mani
Damk purah téwagén bimár etant
Man tá marchi jenday ástiká wati
Chandhagá gón dist táke már etant
Shoshtagén báláday ázmáná tai
Chincho dhawldár mohragén estár etant
Nadr butant gón Samin bechkandagán
Anchó shaydá pa watan may yár etant
……………….
Kaséay*
Saddám Samin