Bámay Morg

Dád Balóch October 7, 2025 106 views

Bámay neshtagén morgá
Jangalé sará zortag
Nálagá ent zaip zaipá
Hoshkén sóléay thollá

Bánzolán proshag lóthit
Dardán ér barag lóthit
Béde taw gamig án man
Kai dapá goshag lóthit
Bámay neshtagén morgá
Jangalé sará zortag

Sabzekáni jópágá
Gánthiáni háméná
Del nalóthit hecch paymá
Tránagáni mangirá
Bámay neshtagén morgá
Jangalé sará zortag

Wasshián koshag lóthit
Chammán tarr kanag lóthit
Sarshapá tán gwarbámá
Máhá gón rawag lóthit
Bámay neshtagén morgá
Jangalé sará zortag

Bé gamá gamé dátag
Chó zerá ke dar shántag
Kessaháni baniádam
Béwasiá del moshtag
Bámay neshtagén morgá
Jangalé sará zortag

Atkagán man gyábáná
Neshtagán dán gwarbámá
Sáh naent mani badaná
Cháragá án sakk durá

Bámay neshtagén morgá
Jangalé sará zortag
Nálagá ent zaip zaipá
Hoshkén sóléay thollá

Dád Balóch

Hamrangén nebeshtag