Gol dar atkag tarr o tábá éoká
Mán bahárá bé hejábá éoká
Némshapay sártén saminay mólomán
Paddrahént márá cha wábá éoká
Chón gwazit mán shántagén é ranjay shap
Bé tai óstay sharábá éoká
Darwará byárén kojá cha, má tai!
Dar bebárt mehray ketábá éoká
Kay wati haysi saray rakkénagá
Dar shotag ganjén gayábá éoká
Á tamardén sarmachár, bélán, koj ent?
Ke bedant daharay jawábá éoká
Chawl porsig ant sabzén sánwadhay
Lépag ent é kay tayábá éoká
Bell maná zendá gón hamkópag bebán
Taw bekatth mollá sawábá éoká
Jost makan, Sáher, ke man kai háterá
Saggagá án é azábá éoká
Morád Sáher