Áp o shishag lekáh, taw kojá, má kojá
Chammán paddar nabay, ér rechay bátená
Chammán paddar nabay, ér rechay bátená
Rástiay géchená óst géchag nabit
Taw nayáay gón man wahd péchag nabit
Donyá wáb ent tai duriay sáhegá
Áp o shishag lekáh, taw kojá, má kojá
Taw nayáay gón man wahd péchag nabit
Donyá wáb ent tai duriay sáhegá
Áp o shishag lekáh, taw kojá, má kojá
Gam chó gwátá tai rázdáré naent
Ás hamráh nabit, barp yáré naent
Rang chammáni may retkagant rahsará
Áp o shishag lekáh taw kojá, má kojá
Ás hamráh nabit, barp yáré naent
Rang chammáni may retkagant rahsará
Áp o shishag lekáh taw kojá, má kojá
Kay benazzárit may sojdagán, kaptagant
Eshkay halká sadán ázmán kaptagant
Mehlab o meskén kabr ant zeminay delá
Áp o shishag lekáh taw kojá, má kojá
Eshkay halká sadán ázmán kaptagant
Mehlab o meskén kabr ant zeminay delá
Áp o shishag lekáh taw kojá, má kojá
Drachké án, ápé án, óst o armáné án
Man tai ahday gedáná yakk mehmáné án
Gón watá zur o bar, gón watá zur o byá
Áp o shishag lekáh taw kojá, má kojá
Man tai ahday gedáná yakk mehmáné án
Gón watá zur o bar, gón watá zur o byá
Áp o shishag lekáh taw kojá, má kojá
Ásén zahir o wadáráni bar mohragé
Éok án ke mani hamsapar mohragé
Mahparán gón berand, didagán gón kamá
Áp o shishag lekáh taw kojá, má kojá
Éok án ke mani hamsapar mohragé
Mahparán gón berand, didagán gón kamá
Áp o shishag lekáh taw kojá, má kojá
Zerdá sombant o chammáni démá borant
É cherág may shapay proshtagén thokkor ant
Chó saminá bekassh, taw chó róchá dar á
Áp o shishag lekáh taw kojá, má kojá
É cherág may shapay proshtagén thokkor ant
Chó saminá bekassh, taw chó róchá dar á
Áp o shishag lekáh taw kojá, má kojá
